युगा मागुनि चालली रे युगे ही
करावी किती भास्करा वंचना
किती वेळ कक्षेत धावू तुझ्या मी
कितीदा करू प्रितीची याचना
न जाणे ना नेणे कुठे चालले मी
कळे तू पुढे आणि मी मागुती
दिमाखात सारे नटोनी थटोनी
शिरी टाकिती दिव्य उल्काफुले
नको क्षुद्र शृंगार तो दुर्बलांचा
तुझी दुरता त्याहुनि साहवे
गमे की तुझ्या रुद्र रूपात जावे
मिळोनी गळा घालूनिया गळा
तुझ्या लाल ओठातली आग प्यावी
मीठीने तुझ्या तीव्र व्हाव्या कळा ...
हे पृथ्वीचे प्रेम गीत आहे. कौशल इनामदारने याला चाल लावली आहे. सुर्यावर प्रेम करणारी, त्याच्या भोवती फिरणारी पृथ्वी हे गाणे म्हणते आहे.
No comments:
Post a Comment