राजा को रानी से प्यार हो गया Raja ko rani se pyar ho gaya

राजा को रानी से प्यार हो गया, पहली नजर में पहला प्यार हो गया

‘अकेले हम अकेले तुम’ या चित्रपटातील हे गाणं आहे. 1979 सालच्या ऑस्कर विजेत्या ‘क्रॅमर व्हर्सेस क्रॅमर’ या चित्रपटाच्या कथेवर आधारलेला हा चित्रपट आहे. गाण्याचे फोरग्राउंडिंग ठेक्याने होते. यावेळी काळ्या बॅग्राउंडवर आमीर खान आणि मनिषा कोइराला यांचा क्लोजअप आहे. प्रकाशयोजनेमुळे दोघे उजळून निघाले आहेत. त्यांच्यातील संबंध कसा आहे हे दाखवले आहे. सूर येतात त्यावेळेस सगळे लाँग शॉट वापरले आहेत. कॅमेरा पॅन होतो, झूम होतो आणि केंद्रस्थानी ती दोघे लाँग शॉटच्या मध्यावर असतात. गाणे सुरू होते त्यावेळेस मिडशॉट येतो आणि ध्रुवपद संपते तेव्हा मिडक्लोज अप येतो. त्यानंतर शिट्या इत्यादींचा वापर करून अतिशय प्रसन्न वातावरण निर्माण केले आहे. दोघांचे चेहरे सतत हसरे आहेत. विविध प्रकारची वाद्ये या गाण्यात वापरली आहेत आणि त्यांचा सुरेलपणा कायम आहे. रोमँटिक वातावरण या संपूर्ण गाण्यात जाणवते. त्यात इरॉटिसिझमची केवळ झलक आहे. सगळे गाणे, संगीत, शब्द आणि शॉट हे ‘प्रेम’ ही संकल्पना सादर करतात.  

चित्रपट अकेले हम अकेले तुम, वर्ष 1995, संगीत अनु मलिक, गीतकार मजरूह सुल्तानपुरी, गायक उदित नारायण आणि अल्का याज्ञिक, दिग्दर्शक मंसूर खान.